RI K'ISB'AL Q'IIJ
Letra del himno 134 del Himnario en Achí
1
Ri k'isb'al q'iij xa naqaj k'owi,
Na naj ta chik katzijox ri utz.
Ri k'utb'al re katajin rilik quk',
E kaqilo ri tz'ib'ital kanoq.
Coro
Katusik'ij ri Jesús, wamigo,
Ma'an lik ko che rawanima'.
Ya'a awib' pa ruq'ab' ri Cristo,
Ma e ri'at kate'jeqela ruk'.
2
Kopon ri q'iij taq ri tikawex,
Kasach kik'u'x xa ruma ri mak.
Kakitzukuj k'u ri Jesucristo,
E la' la q'iij na kakiriq ta chik.
3
Na keb'opon ta chila' chikaj,
Ri na xkikoj ta utzij ri Dios.
Jela' k'u ri' ri oq'ej yey b'iis kuk'
Ma konoje e lik xkicha' ri k'ax.