XKITAQEJ RI CH'UMIL

Rachijab' aj na'oj kitaqem
Jun ch'umil, kich'ob'om pa palacio keb'ek.
Kuk'a'am chomilaj sipanik
Che ri Rey ri kakaj lik kakiyak uq'iij.
Xeb'opon pa Belén ¡xkil ri Cristo!
Xeb'opon pa Belén ¡E ch'umil wa'!
Ruk' ri saq woninaq ri luwar che,
Yey pa k'u ri k'im kotz'ob'am wi Rey.

Rachijab' ajchajal ke b'exex,
Ri xkilo e jun nim wonib'al chwa ri kaj.
Xch'aw ri ángel chike xub'i'ij:
“E xalax ri Qakolob'enel qe ri'oj”.
Taq ri ángeles lik xeb'ixon choom
Xkib'ixoj b'ixob'al che ri Cristo
Raj chajal ke b'exex, xkitzukuj na,
Yey pa k'u ri k'im kotz'ob'am wi ri Rey.

Rachijab' aj na'oj xkiya che
Ri Jesús sipanik lik k'i taq ri rajil.
Jenela' raj chajal ke b'exex
E ri rutzil kik'u'x ri xkik'ut che Rire.
Jek'ula' e ri'in, lal nu-Cristo
Lik kanyak q'iij Rilal, Kolb'enel we
Kanya wib' paq'ab' la, lal nu-Cristo,
E ri wanima' kataqan la chupa.