PETA LA WUK' RI'IN

Lal Nukolob'enel xya kan ri luwar e la,
Xk'un k'u la cha' xo'lalax la quk'.
Yey na xk'ul ta ne la pa ri chomilaj luwar,
Xalax la pa ri ja ke awaj.

Xkib'ixoj b'ixob'al taq ri ángeles chikaj
Echiri' xk'un Rilal quk' ri'oj.
X'an ch'uti'n che ib' la xk'un la che ruwachulew,
Xo'lya'a la k'aslem che raj mak.

E Rilal Qajawal xk'un la quk' ruk' nim chuq'ab'
Cha' jela' xojesaj la pa k'ax.
Yey na ruk' ta k'u ri' chwach ri cruz xkiya wi la,
Tob' ne xkil ri rutzil k'u'x e la.

K'o jun q'iij b'ixob'al kaqata chila' chikaj
Echiri' kak'un la pa ri sutz'.
Kaqato echiri' ri qul la kojusik'ij:
"Chixpetoq k'o luwar wuk' Ri'in".