RI CHOMILAJ UB'IIX RI NIMATINAMIT IXIMULEEW

Nutinamit ki'koteem kwaj chawee,
mu'an chik ri kak'aq b'i aq'iij;
mu'an ne ri katya'i' chi pa k'aax
yey e ri kach'ulax rachomaal.

We ri chwe'q k'o xchapaw rawuleew,
ku'an ke ri na e ta quk'iil,
e qalik'ij ri chomlaj riprotiil,
qach'o'jij tob' xojkam awuma.

Qalik'ij ri chomlaj riprotiil,
qach'o'jij tob' xojkam awumaa,
qonoje ruk' ch'a'oj kojokiik,
tob' kamik ri xqak'ul awuma.

Kowlaj ch'ich' ri xatyut wi rojeer,
rachuq'ab' xuch'ij wa' xujaloo,
xu'an chapb'al kuchakuj ruwu'leew,
yey ri ch'ich' xya'w ri yakb'al aq'iij.

Xkil ri k'ax ri qachu ri qaqaaw,
xkiya kib' xkich'o'jij ri utzil,
xkiriq na k'ut yey na xkil ta kamiik,
xatkikoj pa ri utzil k'oleem.

Xkiriq na yey na xkil ta kamik,
xatkikoj pa ri utzil k'oleem,
xkich'ijo xkiya kib' awumaa
e xkich'ak ri saqil kolb'enik.

At pacha' juch'aqap che ri kaaj,
pa k'owi ruchomal taq ri sutz',
toq'o uwach ri sacheel k'o chawiij,
ri karaj kuch'ulaj rachomaal.

Taq rawal kiya'om kichuq'aab',
ri kakaj xew rutzil chomaliil;
na jinta chi oyowal chikik'uu'x,
xew kib'iis ri kichak yey ri kaal.

Jinta chi oyowal chikik'uu'x,
xew kib'iis ri kichak yey ri kaal,
ri kakaj e ri yakb'al aq'iij,
cha' kaya' ri taqal na chawe.

At kanam xo'lib'al taq juyuub',
keb' choploow ri kech'aw chaxikin,
at k'o chuxee' taq ruxik' ri ketzaal,
at kub'ul e ruma ruchomal.

Ruchomal e kato' wi awiib',
xu'an ne to'b'al re rawuleew,
yey we xukoj b'i ruxik' re ke'eek,
k'a chikaj kel b'i chwa ri xulb'aq.

We xukoj b'i ruxik' re ke'eek,
k'a chikaj kel b'i chwa ri xulb'aq,
kulik'ij k'u ruxik' kub'ixooj:
Nutinamit, na kasach ta rab'i'.