CHATPET CHWIJ

In sachinaq chupa ri k'ax, lik nutukel ri'in,
Lik katajin unimarik ri mak k'o panuwi'.
Xinwil ri Jesucristo, yey lik xinch'ob' puwi',
E k'u Rire jewa' ri xub'i'ij:
“Lik k'ax ri xinik'ow wi xa awuma ri'at,
Rak'axk'olil ri'at ya xink'am b'i chwa ri cruz.
Matmayinik wamigo, ma kok lo ri q'equ'm,
Chachuq'ub'ej awib', chatpeta wuk'.”

Ri'in jewa' ri xinch'ob'o: laj k'ax ri kin'ek ruk',
Ri jun katernab'em b'i re kutij ri k'ax ruma.
Yey we kin'ek ri'in ruk', kanya kan ronoje,
E k'u Rire jewa' ri xub'i'ij:
“E ri nuk'olib'al choom, xinya kan awuma,
Xinkuy ruk'axk'olil ri klawux pa ri nuq'ab'.
Yey we katpe wo'ora junam koj'ek awuk',
Ya'a kan ronoje, chatpeta wuk'.”

Xinya k'u wib' ri'in puq'ab', ri k'ax xinya kanoq
Jinta jun chik wamigo utz, pacha' ri xu'an wuk'.
Rutzil uk'u'x ri Cristo na jinta chi k'owi.
E k'u Rire jewa' ri xub'i'ij:
“E chatzijoj wamigo taq ri xin'an awuk',
Ma ri rutzil nuk'u'x ya xink'ut chawach ri'at.
Tob' ne kawil taq k'ax ri', Ri'in katinto'o,
Yey chanaqaj ri'at in k'o Ri'in.”