KWAJ KIMB'IN RUK' JESUCRISTO
Letra del himno 52 del Himnario en Achí
Kwaj kimb'in ruk' Jesucristo;
xew kanta ruqul Rire.
Ruch'a'tem kanwajilaj yey kan'an ri karaj Rire.
Kanya wib' puq'ab' Rire ruk' ronoje ri wanima'.
Weta'am kopon jun q'iij kine'jeqela ruk' Rire.
Lik kwaj kimb'in ruk' ri Jesucristo
Lik kwaj in k'o ruk' ri Jesucristo,
Lik kwaj k'aslem ruk' ri Jesucristo,
Kinu'an rajchak jusuk' Rire.
Kwaj kimb'in ruk' Jesucristo,
che Rire kwaj kanmajo.
Ruch'a'tem kanwajilaj yey weta'am e lik qatzij.
Ruk'aslem loq'laj uwach e wa' xuya wuma ri'in.
E xinya k'u wib' puq'ab'
Yey xew kanternab'ej Rire.
Kwaj kimb'in ruk' Jesucristo,
e q'ijsaq pa ri nub'e,
Kanya kan ruwachulew xew e kanternab'ej Rire.
Lik na jinta k'o kuya ruwachulew chiqe ri'oj,
Na pacha' ta ri Jesús ma e kaya'w qak'aslemal.