CHE RI NUKOLOB'ENEL
Letra del himno 31 del Himnario en Achí
Che ri Nukolob'enel
Kamb'ixoj rutzil uk'u'x,
Kantyoxij ri xu'an wuk' ri Jesús.
Xinresaj pa ri q'equ'm,
Che ri mak xinukolb'ej,
Xinresaj chwa ri kamik ri Jesús.
Kantyoxij che ri Jesús,
Ma Rire e xinresaj chupa ri mak.
Xinuch'aj ruk' rukik'el,
Xinuya chi ki'kotem,
Xuya ri nuk'aslemal ri Jesús.
B'isob'al ri in k'owi,
Lik na choom ta nu'anom,
Jek'ula' xine'eloq ruk' Jesús.
E Rire xukuy numak,
Xinujosiq'ij ri'in,
Xinresaj chupa ri b'iis ri Jesús.
Echiri' in k'o pa mak,
Nutukel kantij ri k'ax,
Weta'am ta ki'kotem ruk' Jesús.
Echiri' xinweta'maj,
E ri mak xinya kanoq,
E xinjeq utaqexik ri Jesús.
Pa ri b'e lik na utz taj
Xa jumul xinel chupa,
K'ak' k'aslem ri xink'ulu che Jesús.
Xuya chwe rutzil uk'u'x,
Yey xuya ri nuchuq'ab',
Uwari' lik kamb'ixoj ri Jesús.